निरागसतेचे वन घनदाट
नवसृजनाची सुंदर वाट
भावतरलता हळव्या लता
बेटावरती या तल्लीनता
प्रगल्भतेचे वाहती वारे
प्रतिभेचे ते शिंपले सारे
शांत शीतल छायेखाली
हिरवळ माया मखमाली
बेट हे सारे निसर्ग सुंदर
काव्यजलाचा वाहे निर्झर
या बेटाच्या अंतरी विमळ
फ़ुले हर्षदा विशुद्ध कमळ
==================
सारंग भणगे. (21 फ़ेब्रुवारी 2009)
1 comment:
तूझी कविता वाचून मी हिरवी हिरवी झाले कि काय असे वाटायला लागले.. लगेच जाऊन आरश्यात पाहीले एखादा कोंब फ़ूटलाय का?/ [;)]
Post a Comment