जरा वेगळी वाटते

वेगळ्या कोनातुनी जरा वेगळी वाटते,
तीच मोनालिसा मला जरा वेगळी वाटते.

शांत पाणी त्या नदीचे पाहतो कितीदातरी,
या किनारी पाहता जरा वेगळी वाटते.

रोज येती पाहुनी 'श्याम'ला ती मेहुणी,
राहुनी मज राहुनी जरा वेगळी वाटते.

तोच राजा तीच राणी राक्षसाची ती कहाणी,
रोज आज्जी सांगते जरा वेगळी वाटते.

तेच साधे शब्द नि त्याच सध्या कल्पना,
ऐकविता हि कविता जरा वेगळी वाटते.
===========================
सारंग भणगे. (११ फेब्रुवारी २०१२)