तू

हाताच्या रेघांवर तू नसलीस
तरी काळजाच्या रेघांवर अजूनही तूच आहेस...

पाऊस जरी पडला नाही तरी,
गदगदलेल्या आभाळात तूच आहेस......

आलेल्या पत्रांच्या शाईत तू कुठेच नव्हतीस,
पण जाळलेल्या पत्रांच्या राखेत तूच आहेस...

माझ्या उषेच्या प्राचीत तू कधीच नव्हतीस,
पण मावळणाऱ्या संध्याछायेत तूच आहेस......

माझ्यावर झालेल्या वारांमध्ये तू कधीच नव्हतीस,
पण झालेल्या प्रत्येक जखमेत तूच आहेस......

माझ्या जगण्यात तू कणभरही नव्हतीस,
पण माझ्या कणाकणान मरण्यात तूच आहेस......
---------------------------------------------------------------
सारंग भणगे (२९ जून २०१२)