ओळखा पाहू??????

नितदिन येतो भल्या पहाटे;
सुरु करण्या जीवन च-हाटे।

निर्वीकार जो रुतुचक्रा;
उन वादळ पाउस वारा।

सा-यांवरती होउन आरूढ़;
येणे त्याचे अनिवार्य रूढ़।

उरला केवळ उपकारास्तव;
शरीर पोसण्या मानवांचे,
जीवनक्षीर नित्य वाहतसे,
दान देतसे गोरसाचे।

अन् मागतसे केवळ;
काही कवड्या प्रतिमाही।
अन्नदान करण्या गोमातेला;
हां मोबदला काय क्षुल्लक नाही?

देतसे अवघे धन केवढे,
गोरस; दही; नवनीत; तूपाचे।
नीर-क्षीर विवेके करुया,
चिंतन या गो-भूपाचे।

= दूधवाला