जुने स्वप्न

सप्तसूर्यांची झळाळी जेथे
सा-या अवनीवर पसरते,

रात्रही जेथे पौर्णिमा होऊन अवतरते,

जेथे जीवन सरिता प्रेमाचे सूर् आळवते,

वर्तमानाचे पंख जेथे स्वप्नांना लाभते,

सप्तस्वरांच्या मैफ़लीत भान जेथे हरपते,

विद्यादेवी ज्ञानाची माला जेथे गुंफ़ते,

आत्मोन्नतीसाठी जेथे जीवन झटते,

कर्तव्याची कास धरुनी भावनांची भरती येते,

द्वेषाच्या काट्यावरती प्रेमफ़ुल जेथे उमलते,

घेऊन चल गा मला देवा
माझे मन तेथेची रमते
(1989/90)