मरणाचा चेक

मरणाचा तो इतिहास; अन् जगण्याचा अट्टाहास
जीवंत माझ्या मनात जगायची हलकट जिद्द्
पडलेल्या ईमल्यांना सावरण्यास अधिक खांदे तयार
मसणवाटेत घेऊन जाणा-या तिरडीला लावलेल्या खांद्यांहुनही
"राम बोलो भाई राम" चे गजर विरण्याआधीच
घडळ्याचे गजर सुरु,
अन् जीवनाचे न संपणारे 9.07 चे प्रवासही
डोळ्यातल्या अश्रुंच्या मुदत ठेवी
बिनव्याजी पुन्हा रिन्यू होतात
अन् हास्याची दिनवाणी कैश क्रेडिटस्
कायमच डिफ़ॉल्टमध्ये राहूनही
सदाच विचकट लाचार हसत राहतात
जगण्याची बैंक बुडत नाही तोवर सारी खाती चालु ठेवायची
आणि त्या यमदूतानं मरणाचा चेक वठवला
कि दिवाळखोरी जाहीर करत
हा पत्त्याचा डाव आवरायचा
मुंबईला असल्या मरणांचं वावड नाही
हवे असतील तर हवे तेव्हढे भुखंड
स्मशानभूमीसाठी मंजूर करुन आणू
शासनाकडून.......
==============================
सारंग भणगे. (2 डिसेंबर 2008)