माझेच शब्द होते

भले शब्‍द होते, बुरे शब्‍द होते,
जसा अर्थ घ्यावा तसे शब्‍द होते

कळलेच अर्थ नाही; ना भाव ही तुला गं,
मौनातले गूज माझ्या; सांगित शब्द होते.

का साऊलीस माझ्या पाहूनी तु भिवावे,
अबोल व्यक्त झाले; ते माझेच शब्द होते.

गाईले गीत गूढ; मिठीत गाढ तुझिया,
गात्रात धुंद झाले; ते माझेच शब्द होते.

आज अस्मानही जहाले, साऊळे सांद्र दाट,
ते गात दुःख होते; ते माझेच शब्द होते.

मी अवघाच फ़ाटलो कि; वा-यास सांधताना,
वादळात ध्वस्त झाले; ते...... माझेच शब्द होते....
======================================
सारंग भणगे. (28 डिसेंबर 2008)