मी स्वप्नांना तुडवित तुडवित चालत गेलो
--
नवीन स्वप्ने घडवित घडवित चालत गेलो
जसे धरावे मनी तसे ना होते कधीही
होते त्याचा अनुभव होतो थोडा तरीही
मनात अनुभव मढवित मढवित चालत गेलो
किती मिळाले किती हरवले हिशेब त्यांचा
करूनही का उरून गेला उरात हातचा
त्या हाच्च्याला मिळवित मिळवित चालत गेलो
नवी पालवी बघून झाला हर्ष मनाला
पानझडीच्या ऋतूत लागे घोर जीवाला
भावझुल्याला झुलावित झुलावित चालत गेलो
घडायचे ते घडून गेले असे म्हणाले
घडेल ते ते पहात रहावे असे म्हणाले
घडी घडी मी घडवित घडवित चालत गेलो
सारंग भणगे
(११ मार्च २०१५)
